المساعد الشخصي الرقمي

عرض الإصدار الكامل : شوق بنت باوراقي


Administrator
08-04-2011, 01:26 AM
شوق بنت بأوراقي
سولفوا عنك
وقالو كلام انقال منك
وأنا أسمع واتسمع
ولاكني أحبك
والشوق فيني يتيمع
ياللي بجمالك يوصفون
هم عني ابد مايدرون
أني أبدقيقة شوق أتوجع
مايدرون
أبطيف وردي
دومه ساكن عندي
يشبع فيني عذاب
وأنا منه ما أشبع
يابو غتره منسوفه
وزلوف عالخدين مصفوفه
ليتك ليه بس ترجع
يامسافر ...
ومخلي بقلبي علامه
من نظرتك
من ذيك الابتسامه
قلبي عقبك ماينفع
أروح للبحر ابروحي
وأهيم واذكر
وأقشر هناك جروحي
وحتى العين تدمع
ياحلو ذيك الزكاره
وجمره حلوه
كلها دخان وحراره
جمرتك تشبهني انا
لما الشوق بقليبي يرقع
كل شي فيك أحبه
أحبك لما تغار
.... لما أتثور
من غير سبه
أحبك ليشني أنا
غرقانه بدينا المحبه
وأتمنى الزمن عالحب يجمع
تحرقني نظرات عيونك
وضحكه حلوه من سنونك
تخليني اظن ...
أن القمر
حتى الظهر يطلع
ياليتني بدينك مداليه
وأصير بديتك الغاليه
وأروح معاها وأرجع
أذكر مرة عيونك
ياتني مشتاقه عيونك
والغتره تلعب على متونك
والشوق بعيونك يلمع
سولفوا عنك وقالوا
وضيق من صدري شالوا
وأنا قاعده أتسمع
ما يدرون أني أحبك
أبكل شكل والله أحبك
وأنطرك متى ترجع
ــــــــــــــــــــــــــــــــــــــــ
1977 الكويت