Administrator
06-03-2012, 09:54 AM
من شاف منكم مركب
نوخذته خلاه وهجره
عقب ماكـــــده سنين
وبكل البحار هو سيره
مركب ماكان يمــــيل
مهما حمل وســـفره
كان يتحدى الريـــاح
وكل الأجواء الماطره
هذي آخرة الجميــــل
خلاه مكسور خاطره
بوسط البحر منســي
والناس تمر وتناظره
تدري تاريخه طويــل
يوجع القلب منظـــره
بقوه الماضي ربطه
بحبـــل حديد الباوره
هو صـــــابر صحيح
مو لاقي من يحـرره
الحبـــل شافه جريح
وأعلن عليه السيطره
المركــــب وقف بعيد
ومحد فــــــكر يدوره
ومرت أمواج الزمــن
والأمواج تجيه متكرره
والخشب حرقه الملح
والقهـــــر عقبه كسره
لا شـراع ولا دقــــــــل
وسكانه صمــــته خدره
تمر المراكــــب مسرعه
وتاخذ أرزاقهـــــا مبكره
ماهمــــه كثـــــــــر الغنى
وأرزاقـــــــه كلها مقدره
والوقـــــــــت يمر بكسل
والساعه كــــــله مـأخره
تمر أجيــال النــــــوارس
وتناظر وهي متــــــــأثره
والريح قاسيه ظالمــــــه
والمركب مكسور خاطره
واقف مكانه صــــــامــد
نــــــــــــــاطر اللي يقدره
نفسه غنيـــــــه بالرضا
والزمن هو اللي حسره
حرام المركب العـــــالي
كــــــذا يصير أخــــــره
تــــــمر الشمس والقمر
والمــــــركب ظله كدره
صورته بالماي ترتعش
ومن طــال حزنه دمره
والمراكــــب حوله كثير
بس قلوبهـــــم متحجره
تمر من جنبـــــــه تسير
كنها ماتشوفه أشــــكره
والنوارس فوقهم تطير
تســـبح الله وتكــــــبره
كنـــــــها تقول ياالخليل
حــــــــــرام أنك تهجره
ذوب مســـاميره الزمن
ومحد عالجــه أوصبره
ورزنامته طاحت وتقطعت
مستقبله ضاع و حاضره
تضحك عليـــــــه الرياح
وتمر عليه مستـــــهتره
والبندر عنه بعــــــــــيد
ماعادت المواني تذكـره
أخ منـــــــــــــك يازمن
هذا شعور من ناظـــره
المركب اللي ياما خــدم
ليما تكسر أظـــــــــهره
فرح كــــــــــل القلوب
وبألاخر كلـــــها تنكره
ماهمته نفسه بيـــــوم
ولا نطر من يشكــــره
العطـــــــا منه كثــــير
وهذا محــــد ينكـــــره
يسأل يقول وين الوفا
وين النفوس الشاكره
محد يحـــــن وأنا أون
خلوني للريح الكاسره
أتمنى آلمينا البعيــــــد
ومن سنين أنا أنطره
ــــــــــــــــــــــــــــــــــــــــ
عبدالحميد دخيل الصيوان ــ الخبر
22-5-2012
نوخذته خلاه وهجره
عقب ماكـــــده سنين
وبكل البحار هو سيره
مركب ماكان يمــــيل
مهما حمل وســـفره
كان يتحدى الريـــاح
وكل الأجواء الماطره
هذي آخرة الجميــــل
خلاه مكسور خاطره
بوسط البحر منســي
والناس تمر وتناظره
تدري تاريخه طويــل
يوجع القلب منظـــره
بقوه الماضي ربطه
بحبـــل حديد الباوره
هو صـــــابر صحيح
مو لاقي من يحـرره
الحبـــل شافه جريح
وأعلن عليه السيطره
المركــــب وقف بعيد
ومحد فــــــكر يدوره
ومرت أمواج الزمــن
والأمواج تجيه متكرره
والخشب حرقه الملح
والقهـــــر عقبه كسره
لا شـراع ولا دقــــــــل
وسكانه صمــــته خدره
تمر المراكــــب مسرعه
وتاخذ أرزاقهـــــا مبكره
ماهمــــه كثـــــــــر الغنى
وأرزاقـــــــه كلها مقدره
والوقـــــــــت يمر بكسل
والساعه كــــــله مـأخره
تمر أجيــال النــــــوارس
وتناظر وهي متــــــــأثره
والريح قاسيه ظالمــــــه
والمركب مكسور خاطره
واقف مكانه صــــــامــد
نــــــــــــــاطر اللي يقدره
نفسه غنيـــــــه بالرضا
والزمن هو اللي حسره
حرام المركب العـــــالي
كــــــذا يصير أخــــــره
تــــــمر الشمس والقمر
والمــــــركب ظله كدره
صورته بالماي ترتعش
ومن طــال حزنه دمره
والمراكــــب حوله كثير
بس قلوبهـــــم متحجره
تمر من جنبـــــــه تسير
كنها ماتشوفه أشــــكره
والنوارس فوقهم تطير
تســـبح الله وتكــــــبره
كنـــــــها تقول ياالخليل
حــــــــــرام أنك تهجره
ذوب مســـاميره الزمن
ومحد عالجــه أوصبره
ورزنامته طاحت وتقطعت
مستقبله ضاع و حاضره
تضحك عليـــــــه الرياح
وتمر عليه مستـــــهتره
والبندر عنه بعــــــــــيد
ماعادت المواني تذكـره
أخ منـــــــــــــك يازمن
هذا شعور من ناظـــره
المركب اللي ياما خــدم
ليما تكسر أظـــــــــهره
فرح كــــــــــل القلوب
وبألاخر كلـــــها تنكره
ماهمته نفسه بيـــــوم
ولا نطر من يشكــــره
العطـــــــا منه كثــــير
وهذا محــــد ينكـــــره
يسأل يقول وين الوفا
وين النفوس الشاكره
محد يحـــــن وأنا أون
خلوني للريح الكاسره
أتمنى آلمينا البعيــــــد
ومن سنين أنا أنطره
ــــــــــــــــــــــــــــــــــــــــ
عبدالحميد دخيل الصيوان ــ الخبر
22-5-2012