بالواتساب

[Administrator]

أفتح الهاتف
وأدور على أسمك
وأشوف
( أخر ظهور اليوم )
واعرف
قعدت متى من النوم
وأسمي عليك
وأقول لك بقلبي
صباح الخير
كل شوي أتطمن عليك
وأتذكر
كنت تكتب لي بيدك
وأفرح ( بجاري الكتابه )
وأشوف حبي
قاعد يكتب لأحبابه
والشوق عندي يعصف
والنار شابه لهابه
عليك يطمني الهاتف
كل شوي أطل
وقلبي عليك خايف
ولما أشوفك ( متصل )
أعرف هاتفك بيدك
وأحسد اللي له ينرسل
يابخت من أنته معاه
وبالليت لا مايحصل
الحسره تملا صدري
ووده دمعي يهمل
وبالليل قبل مانام
لازم أطل عليك
وأشوف أخر الظهور
أشوف وأنا مقهور
حبيبي بالعافيه نام
وأنا بالليل الأخير
والقلب محترق نزاف
يابخت المخده واللحاف
تصبح حبيبي على خير
ـــــــــــــــــــــــــــــــــــــ
05-05-2015 الخبر