المساعد الشخصي الرقمي

عرض الإصدار الكامل : شراع القفال


Administrator
06-24-2011, 10:45 PM
شراع القفال

قلبي يسأل ويتمنى
والجواب اصبح محال
وده بالشوق أيتغنى
بين هجران ووصال
وده انطر مره موعد
وأبد مايهمه عطال
أقعد أحلم بلحظه حلوه
وأسبح بدنيا الخيال
ودي اسهر كل ليله
وأقول ياحلوه العبال
وعندي قلبن مبتلينه
وابد مايعاملونه عدال
ودي أنطق مره كلمه
والقى للدمعه بدال
ودي اتكلم وأقول
واترك النظره جدال
واهمس بعيني سوالف
وأصرخ بفرحي تعال
جرح قلبي جرح جايد
أبد ماكان له مثال
أربع أسنين أمتعذب
والعذاب اصبح حلال
أهجروا احباب قلبي
وحتى ماقالوا سؤال
وخلو نفسي دوم حزينه
وأمست الذكرى وبال
مل قلبي ترى توه
وصار يتمنى الشمال
كم سنه والكوس جوه
وابد مابان له زوال
أنا برجع لليالي
وبرفع شراع القفال
الف دمعه وكم ضحكه
كلهم صاحوا تعال
قلبي يسأل ويتمنى
وده وودي بالقفال
ــــــــــــــــــــــــــــــــــ
1989م الرياض