منو غيرك ؟ [الأرشيف] - عطر الاسامي

Administrator

12-11-2016, 02:56 PM

فوق ما أبي فوق ما أتأمل
جيتني بالحلم البارحه
وهذي عوايدك كلما أزعل
تحس برويحتي صايحه
ألقاك بحاجتي أنت الأول
مهموم وكل الناس رايحه
وأنت الوحيد اللي مقبل
ضميتني وعطورك فايحه
وهمي كله بالفرح تبدل
وأثقال دنياي كلها طايحه
حنيتك حتى بالحلم توصل
تحس بحاجتي بخيالك لايحه
تجيني تواسيني بشعرك المرسل
وفيني تهدي كل نايحه
بالزين منو غيرك يهبل
شوفتك تخلي الروح سايحه
أدري فيك أنـــك الأجمل
وأنطر وصالك كلما طول
وهذاك جيتني أنت البارحه
ــــــــــــــــــــــــــــــــــــــــــ
11-12-2016 م الخبر