فرقى الزيــــن

[Administrator]

من فرقى الزين ويلاه
علموني أشلون أنساه
مغرم وهايم بحبه
وعطاني كل قلبه
وبشوقه قال وماخبى
والعالم كلها تفداه
من فرقى الزين ويلاه
علموني أشلون انساه
وعطاني معنى للحب
نهر جـــــاري ماينضب
ولقيته أقرب من القرب
وبالزين كامل محلاه
من فرقى الزين ويلاه
علموني أشلون أنساه
دخلني دنيا جديده
أوصلني لأحلام بعيده
مد لي قلبه وأيده
والأمل في منتهاه
من فرقى الزين ويلاه
علموني أشلون أنساه
وأن كان أحلى الحلوين
مرتقي بالذوق واللين
يبقى عمره بالعشرين
وهذا العمر مايتعداه
من فرقى الزين ويلاه
علموني أشلون أنساه
يبيني وبالخير وناوي
وقلبه متعلق وهاوي
وعلى بعدي مهو قاوي
وبعيونه تبيـن الآه
من فرقى الزين ويلاه
علموني أشلون أنساه
يبان الشوق في عيونه
تحسه واصل لجنونه
بشوفتي يختلف لونه
ويفرح كلما ألقاه
من فرقى الزين ويلاه
علموني أشلون أنساه
كلمته ... حبي وحياتي
وعلي أيخاف ويحاتي
يحبني حب بسكاتي
وأن جيته باح بهواه
من فرقى الزين ويلاه
علموني أشلون أنساه
مايبي أبتعد عنه
وأحس بقربه الجنه
ويحلم صج لو أنه
طول الوقت أكون وياه
من فرقى الزين ويلاه
علموني أشلون أنساه
هذا الحب شيداويه
بالعمر مره تلاقيه
كمله ربي ومعطيه
وجاني فوق ما اتمناه
من فرقى الزين ويلاه
علموني أشلون أنساه
تشع بشوفتي عيونه
ومن حوله يلاحظونه
يكتم شوقه وجنونه
وده يهجم بكل قواه
من فرقى الزين ويلاه
علموني أشلون أنساه
بشرته مثل الحرير
وريحته عنبر يطير
والجسم والله مثير
بالغيد محد ساواه
من فرقى الزين ويلاه
علموني أشلون أنساه
وجانا الوقت بكل عناد
وفرقنا أبغير بلاد
وغربنا وخلانا أبعاد
وزاني الحظ ووازاه
من فرقى الزين ويلاه
علموني أشلون أنساه
شيسكت الحب الحين
حب هنانا أسنين
من ضاع قلبه مسكين
وكم حب حظه عاداه
من فرقى الزين ويلاه
علموني أشلون انساه
ـــــــــــــــــــــــــــــــــــ
04-09-2017م