أشلون تقدر تنام
 

ودعتني ورحت عني
وكسى نهاري ظلام
طفت ضحكتي
وأنقطع هرمون الكلام
وضاع كل شي
من كل شي
راحت البهجه
وطارت العجه
وتساوت كل الأيام
صرت وحيد
وحولي جليد
وحسيت
عايش بين الأصنام
خسرت الفضفضه
وحسيت بعمري قضه
والصمت حولي
غلف كل الفضا
وأنفطم قلبي حرام
مذهول خليتني مذهول
ماني داري شقول
مره مره غصتك
والناس حولي ظلام
أشلون قويت أتروح
وتخلي قلبي المذبوح
أشلون صبرت
وأشلون قدرت
وأشلون تقدر تنام
ــــــــــــــــــــــــــــــــــــــــ
07-04-2017 م الخبر