همس الحنين
 

متى يطفى هالحنين
اللي حارقني سنين
ياما سهرني ليالي
ويقولي أنك تذكرين
يسحرني بكل الأغاني
وبالوهم يرسم أماني
ويقنعني أنك تجين
وأحلم وأتأمل وأشوف
بكل مكان ألقى الطيوف
والوهم فيني يحوف
بروعتك لما تضحكين
حبك يضعفني بلحظه
يخليني بالكذب أرضى
أعيش لحظتي بيقظه
والوهم كنه يقين
للحين باقيه الشراره
تجدح نار وحراره
والشوق دايم بالزياره
ليتك مثــــلي تشعرين
الحب باقي بالعروق
يجري مع نبض الخفوق
مسكين من قلبه شفوق
ولهان لأحلى الحلوين
ـــــــــــــــــــــــــــــــــــ
30-7-2016م الخبر