مو جذيه اللي يحب !!
 

مو جذيه اللي يحب
يزعل على أتفه سبب
اللي يحب قلبه كبير
ودايم يفكر بالأخير
يحكمه حبه والمصير
وماعنده إلا شوية عتب
مو جذيه اللي يحب
يزعل على أتفه سبب
الحب مو تهديد أذا وأذا
والشك والحيره والأذى
ترى الحب أحلى من كذا
يسوي بالنفوس العجب
مو جذيه اللي يحب
يزعل على أتفه سبب
اللي يحب قلبه وسيع
وبزعلة حبيبه مايطيع
يمكن يزعل من الجميع
وأنته وسط عيونه والهدب
مو جذيه اللي يحب
يزعل على أتفه سبب
حبيبك أذا ماسامح خطاك
ترى ماهو لك ولا معاك
يعينك الله لو هو أذاك
أذا ماتعرف غيره تحب
مو جذيه اللي يحب
يزعل على أتفه سبب
ــــــــــــــــــــــــــــــــــــــ
12و13-06-2018م الخبر