قافلة شوق
 

قافلة شوق

قوافل نوق
كلها محمله شوق
من حبك الساري
وسط الروح والعروق
محتاره وين اتروح
وبصدرها تئن اجروح
واقفه تنطر من اسنين
الزين بس لو يذكر
ولو بالهوا يرسل
كلمه وحده ترد الروح
كان شوقها يصير اورود
وتنزل حملها وللوصل تعود
وانا مثل ما انا
بس زاد عندي الحب
وصار بليا حدود
وعيوني حيل عطشانه
والشوق فيني شب
أنا مثل اول وأكثر
والله اموت فيك
والبعد لو طول
انته عيوني وأبيك
وانت ترى قاعد
بالقلب انته وحدك
والقلب له واحد
ومنهو كفو بعدك
يازين حولنا حول
وخلنا نرجع مثل اول
ليتك ترد بس عاد
كافي علينا ابعاد
شيصير بالعطشان
لو الماي عليه طول
ـــــــــــــــــــــــــــــــــــــــــ
28-4-2005