وأنت بعيد
 

وأنت بعيد مو عندي
ونار الشوق ماتهدي
أتصور نظرة عينك
وحنينها يقولي وينك
الروح والقلب ناطرينك
وبالبعد عنك ماودي
وأنت بعيد مو عندي
ونار الشوق ماتهدي
يازين رجفة كفوفك
وحياك يذوب أحروفك
بأكبر شوق أنا أشوفك
وأيدك الصغيره في يدي
وأنت بعيد مو عندي
ونار الشوق ماتهدي
فراقنا سنين حيل طول
وقلبي عنك ماتحول
أحبك أنا مثل أول
وللحين أيدي على خدي
وأنت بعيد مو عندي
ونار الشوق ماتهدي
ما أدري عنك أتفكر
ومثلي تمام متذكر
أسلي نفسي وأتصور
وأثاري حبي على قدي !
وأنت بعيد مو عندي
ونار الشوق ماتهدي
أنت غصه في قلبي
وين ما أروح في دربي
هذا من كبر حبي
بعده حي والأيام تعدي
وأنت بعيد مو عندي
ونار الشوق ما تهدي
ـــــــــــــــــــــــــــــــــــــ
26 – 06 -2021م الجبيل الصناعيه