كل راس مالي
 

بعدك حبك معي
وأنت أللي شاغل بالي
وأستحضرك بالسهر
وأقول لك أنت القمر
ماعندي غيرك غالي
تمر علي السنين
وأنا بحبك رهين
وبعده بقلبي دفين
وهو كل راس مالي
ماطرى علي أنساك
لأنك هنيه وأهناك
كني عايش وياك
ولا أنت صوره بخيالي
كلما كبرت يكبر
ومخلي قلبي أخضر
أحبك للحين تصور !
أنت الأول والتــــالي
قبلك أنا ماحبيت
ولا بعدك أنا حبيت
كلـــــي بحبك أبتليت
وهاين علي غربالي
بس عيونك عيـــــون
كل حبي فيها مسكون
لو قالو عني مجنون
جنونك هو اللي بقالي
حبيت حبك كله
بعيونك قلبي مستحله
حبي لحبك ما أمله
مره وناره تحلالي
القلب لـــــــه واحد
الحب الحلو الخالد
محترق ماتلقاه بارد
مهما أسودت الليالي
بعده حبك معي
وأنت اللي شاغل بالي
خوفي أموت وماشفتك
وأموت بحسرتي بحالي
ـــــــــــــــــــــــــــــــــــــــــــ
25-02-2019م الخبر