شمســــــي
 

وجهه صـــــــــــــافي
شوفته تجيب العوافي
لو تبسم
طلعت شمسه
ونوره بالبيت كافي
يقولون الليل أظلم
وليحضر
ماتحس بالنور طافي
خجل ضحكته
يلون خدوده
وينزل الراس
خوفن يتعدى حدوده
بالحيا والذوق وافي
لو تكلم
صوته يزغرد في حروفه
وخفة الدم
تخلي في هرجه لطوفه
هذا أهو
بعد زينه تحلف مافي
لو مشى مشية غزاله
ماهو مايق
وهذي أسطورة جماله
بين الخلايق
ملبسه ثوب العفافي
حبييب
هين ولين
وكل مافيه يجنن
محير الحروف والقوافي
مايزعل ولا يلوم
ومنه طيبه العلوم
لو تجافيه مايجافي
ربي يحفظه ويرعاه
ويبعده عن أعداه
ويجعل عليه الخير لافي
ــــــــــــــــــــــــــــــــــــــــــ
25-04-2017م الخبر والبحرين