يا حلوتــــي
 

ليل ونهار
في وحدتي
عليك أغار
ياحلوتي
ليت الظروف
تسمح وأشوف
ولهان عليك
في قومتي وقعدتي
أمسي عليك
وأصبح عليك
وتشهد علي مخدتي
كل العيون
ماهي عيون
ألا عيون حبيبتي
طعم العسل
لريجك وصل
ياسر حلاوة دنيتي
رحت هناك
وأخذت معاك
ضحكتي وفرحتي وبهجتي
بينا أسرار
ذكراها نار
سلواي صارت بوحدتي
ساكني طيف
ماهو بظيف
ناره هي جنتي
ماشفت بحلاك
ولا بمستواك
وبصراحه هذي مصيبتي
حبك دلال
عدى المحال
وسحب رصيد محبتي
ترى الهوى
ماله دوى
ياحبي أنتي وبلوتي
لا تظن نسيت
وعنك سليت
شايل هواك بغربتي
مهما صار
بعدني أغار
وبعدك أنتي حلوتي
ــــــــــــــــــــــــــــــــــــ
05-07-2017م الخبر