لايـــــق الدلــــع
لايق الدلع
لراعي الزين كله
أذا المزيون ماتدلع
عيل الدلع من له
لو ياك الدلال كله
ترى عارف محله
لايق عليك ماتسوي
ترفع الشعر ولا تفله
النعومه والضرافه والأنوثه
كلها فيك مستهله
شوفتك نعمه كبيره
تطرد الهم وتشله
والسوالف معك حلوه
تشفي من فيه عله
صوتك حسه يهني
بالقلب جنه يغني
ومقعدك محد يمله
يفتخر من كان يمك
لأنه شايف الزين كله
وخفة دمك حكايه
يجنن وخفيف ظله
لغيرك ماخليت شايه
والجو كله مستحله
وبالسنع مالك مثيل
ولسانك مايعرف الزله
مالوم اللي يحبك
والمايحبك فيه عله
تلفت الأنظار حولك
ويحبونك بكل مله
جمالك يامالك الملك
والله لغيرك ماخله
ناطرك بيوم ترجع
ونه بالصدر وحنه
مشتاق أنا كلي
وقسوتك ماهي بظنه
ولهان تقعد أقبالي
وألمك بالحظن لمه
أبيك ترد لي روحي
وعطرك مشتاق أشمه
تعال قرب مني
ردني ردني للجنه
ــــــــــــــــــــــــــــــــــــــــــ
26 – 08 – 2017م
__________________
عبدالحميد دخيل الصيوان
|