لا تطالع ورى
يا قلبي لا تطالع ورى
دربك ترى جدام
هذاك درب انتهى
بسك من الأحلام
مافات راح وقضى
لايمكن ترده الأيام
خله لوقتك عضه
وازرع بنفسك سلام
جابه وخذاه الهوا
وضاع وسط الزحام
لا تضيع وياه سوا
حرام تضيع حرام
باعك ولغيرك شرى
وأنت معطيه اهتمام
لو تدري باللي نوى
ماتفك له باب الغرام
شوف جدامك الضوا
لاتلتفت لبقعة ظلام
ترى بنادم ومانوى
هذا اخر الكلام
ـــــــــــــــــــــــــــــــــ
29-4-2007 الاحد