الجـــــــــاده
أخ وأخ من يعلمني
وين اتروح هالجاده
مابي دروب تظلمني
ومابقى بعمري أزياده
مدري لاوين توصلني
وأن راحت ماهي براده
أيام العمر تنهبني
وماشفت بيوم فايده
شحوب الوقت يقتلني
وجفاف الحظ وعناده
حرماني جن يسكني
والهم سكاكينه حاده
أحتار باللي يسألني
كيف الحال كالعاده
أبتسم للي يجهلني
وبالنفس نار وقاده
وينه ذاك اللي يفهمني
حلم قلبي ومراده
قلبي كان يأملني
وكثر الصبر مافاده
وعيا الوقت يسعدني
وبعذابي قام يتمادى
قلبي لين اليوم مضللني
يرسم أحلام أخاذه
وماعندي من يكلمني
وحدي على الوساده
لا عطر أشمه يبهجني
وما للشوف أي فايده
ــــــــــــــــــــــــــــــــــــ