رقة طيف
وأنا في مكاني
تاخذني الروح لعندك
أصير دخان بثواني
واتصير حياتي هي اسمك
أنسى اللي يمي
وانسى اسمي وعنواني
واطير بلحظه ليمك
اسبح بالهوا
لو طيفك مره ياني
واتمسح بصورة من رسمك
وحتى لو انت تنساني
أظل عايش على ذكرك
أنت حبي
وكل الاماني
ياللي المنى يكون قربك
أدري
ادري ياحبوب أنت كل زماني
واني مخلوق بس حقك
قمت ادور بكل المعاني
واحسد المخده
لو لامست خدك
كل شي أحسده
من صرت انا احبك
أدق ابخيالي
مليون صوره من رسمك
أتمسح بذاكرتي
أدور ريحه من همسك
ــــــــــــــــــــــــــــــــــ
30-11-1974 الكويت