رفعي راسك
رفعي راسك
هذي كلماتي ...
أفتخري ...
فرحي ياحلوه بمأساتي
وقولي عني وضحكي
منو سوى أسواتي
قولي هذا اللي جرحته
وقربته أشويه من حياتي
شوفوا أشقال عني
شوفوا
أشكثر يشتاق ويحاتي
عذبته أربع أسنين
منو شات الهوى مثلاتي
هذي كلماتي ..
أقريها ..
يابعد عمري وحياتي
وشوفي ضحكج الأسود
شوفيه في بياض شعراتي
أنا حبيت روحج
لأني محتاج للحب
مابغيتك زينة لأوقاتي
هذي كلماتي ..
أقريها ..
لأن الجرح لو نسى الألم
ماتت ياحلوة نبضاتي
هذي كلماتي ..
أنتي أفتخري فيها
وخليني أحترق بمعانيها
وقولي لهم كلهم
روحي عندج أشصار فيها
أفتخري ...
ياللي ماتدرين
عن الدمعه ومعانيها
ـــــــــــــــــــــــــــــــــــــــ
__________________
عبدالحميد دخيل الصيوان
|