ماتنـسين
أنتي أبد ما تنسين
بغض النظر
عن الجمال والزين
لك روح ماتشبهها أحد
ومعاها أحساس يوصل للسعد
روحك وأحساسك وحضورك بعد
فوق ماتشوف العين
أنتي أبد ماتنسين
من كثر ماأنتي أنتي
فوق حقيقتك والله زدتي
ومن بين الناس أنتي أنفردتي
وكل واحد مامنه أثنين
أنتي أبد ماتنسين
لك تعابير الله ياسلام
وحركات أيدينك معزوفة كلام
والصوت الهادي أخر أنسجام
تسحرين لما أتبسمين
أنتي أبد ماتنسين
كل عيون ألا عيونك
وقلبي وأحساسي يبونك
صرت ما اقدر بدونك
ياللي ماأنخلق منك أثنين
أنتي أبد ما تنسين
ــــــــــــــــــــــــــــــــــــــــــــــ