الموضوع: الى روح سعد الحميد
عرض مشاركة واحدة
  #1  
قديم 01-14-2016, 06:18 PM
صورة رمزية Administrator
Administrator Administrator غير متواجد حالياً
Super Moderator
  
تاريخ التسجيل: Jun 2011
المشاركات: 635
افتراضي الى روح سعد الحميد
كل اللي عرفوك فاقدينك
وكل اللي حبوك فاقدينك
ذكرك بالقلوب موجود
يامسافر ولا راح تعود
أثرك بالطيب والعود
بنفوس كل اللي ذاكرينك
من ينسى ذيك الأبتسامه
والملقى الحلو والوسامه
والصوت الهادي كالحمامه
وتمد قلبك قبل أدينك
والله باقي لك أثر
معانا باقي طول العمر
طيبك فينا يجري كالنهر
حشا والله محنا ناسينك
تعن وودي فيك أتصل
شوقي نساني اللي حصل
وأتمنى كل دعاي لك وصل
وينك يابو فهد وينك
سعد وعسى السعد مثواك
يرحمك اللي خلقك وسواك
وبجنان الخلد يارب نلقاك
هذي دعوة كل محبينك
بعده زولك بيننا حاضر
نذكرك بسوالفنا وكل خاطر
الفراق صعب وللقلب فاطر
نقعد ونحس كننا ناطرينك
يارب أرحم شمسن غابت
وتحت رحمتك كلها صارت
قلوب دعت وقلوب نادت
يابو فهد كلنا فاقدينك
ـــــــــــــــــــــــــــــــــــــــ
14 – 01 – 2016م
__________________
عبدالحميد دخيل الصيوان
رد باقتباس