الموضوع
:
أسمك بالجوال
عرض مشاركة واحدة
#
1
04-11-2016, 03:32 PM
Administrator
Super Moderator
تاريخ التسجيل: Jun 2011
المشاركات: 632
أسمك بالجوال
لما أشوف أسمك بالجوال
كلي أصير بثاني حــــال
وأتذكر أيامنا الخوالي
وآه على لحظات الوصال
كنا ننسى الوقت كله
والسوالف كانـــت خيال
وفرحتنا فرحة ياهل
أمه قالت له
تــــعال
أكتب لك وتكتب لي
وحروفنا ترتعش بأحلى اتصال
يازينك لو قطعت السالفه
وقلت لي عندي سؤال
مخلي أسمك موجود
وأدري بينا مسافات طوال
أسمك فوق أنه بقلبي
مزين شاشة الجوال
بالحروف كني اشوفك وأسمعك
أسبح وأغرق بلحظات الخيال
هذا حالي من أسمك
شيصير لو قعدنا قبال
زعلت ورحت عني
وعني أنقطع هوا الشمال
جفاف الوقت من دونك
قهر وضيقة خلق وعبال
ميخالف بس أنا أعاني
عساك ماتشوف إلا الدلال
قدرك فوق على راسي
ياباهي الحسن والجمال
للحين وبعد أضل أحبك
والدمعه والآه لعيونك حلال
ـــــــــــــــــــــــــــــــــــــــــ
11- 04 – 2016 م
الخبر
__________________
عبدالحميد دخيل الصيوان
Administrator
عرض ملفه الشخصي
إرسال رسالة خاصة إلى Administrator
البحث عن كافة المشاركات بواسطة Administrator