شمسويه من غيري
شمسويه أنتي من غيري
أشلون صباحك وأشلون مساك
أنتي مثلي ودك تطيري
ودك بأي لحظه أكون معاك
تعبتك الذكرى وأنفاسك هجيري
تحرق الصدر وتعذب خفاك
شخبار السوالف بالوقت القصيري
اللي نتخاطفها عبر الاسلاك
وقهوة الصبح أشلون طعمها
عساها على خبري ذاك
أنتي قهوتي وأنفاس دخاني
على بالي مو محتاج طرياك
أتذكر سوالفنا وضحكنا
وكل مكان كنت فيه ألقاك
أعرف شتسوي بكل يومك
وأنا أهنيه وأنتي أهناك
الحب موجود موجود بقلبي
وأنتي بالقلب كله سكناك
يمكن أنسى العالم كله
ألا أنتي أبد ما أنساك
وأشلون أنسى هوى قلبي
وقلبي عندك وما تعداك
لا تظنين ياعمري بيوم
أتنازل لحظه عن هواك
ـــــــــــــــــــــــــــــــــــــــــ
18-11-2016م الخبر
__________________
عبدالحميد دخيل الصيوان
|