ما دفنــــــــاه
ما دفنــــــــاه
تكفى لا تسألني عن حالي
الوقت من الوقت خالي
كن العقارب تنتظر
خلاص ماعاد تنتحر
هذي حقيقه مايتروالي
الزمن وقف على الاه
ومات الحي ومادفناه
ماعاد الوقت يمر
وتخدر جلد الصبر
وكل شي رخص
وماحولي ابد غالي
حتى أنا على حالي
كني بعيوني ما اشوف
كن الضوا في كسوف
والنظر للمنظور خالي
تمر الساعه وماتمر
واليوم في كل حال
كله رايح من العمر
وأبد ما لـلسكون تالي
أساير الوقت
وهو واقف
حاولت اغير
ماني عارف
مثل مايموت الشجر
ماله بهالدنيا قبر
ومايسأل عليه غالي
خارج أيقاع الزمن
لا دقيقه ولا ساعه
وأشكي حالي لمن
والضمير أرخص بضاعه
أقعد وتلفلف بالصبر
وتخيل هالغمه تمر
وأحلم تعود الليالي
ـــــــــــــــــــــــــــــــــ
19-5-2007م
|