أذكرني مره
أذكرني مره
أذكرني مره
وانساني عشر مرات
لو تدري بالصحرا
تفرح
لو جاها من المطر قطرات
حلوه تبقى الذكرى
تخفف على القلب حسرات
خلني تكفى
ماخذ مكان صغير
يمر عليك صدفه
ولا يمكن تجيبه العنات
كل مخلوق بالدنيا
عنده سر
تكفى خلني
سرك وساكن السكتات
أنا سرك الوحيد
أنا قديمك الجديد
لذاك العمر اللي فات
سر محد يعرفه
سر النصيب
وضياع الامل كله
ويا أحلى الأمنيات
أنت غايب وعني بعيد
وانا بهالصحرا وحيد
خيمتي ذكرك
وزادي بدنيتي حبك
وكذبي على روحي
أغلب الساعات
قلبي عشبه في بيدك
ماهمه عطش البيد
لأن عروقه رطبه
على مابقى من ذكريات
أذكرني يازين
عندك مني كثير
سوالف حلوه وسهرات
راضي انا ياعمري
أذكرني مره
وأنساني عشر مرات
ــــــــــــــــــــــــــــــــــــ
25-1-2008
__________________
عبدالحميد دخيل الصيوان
التعديل الأخير كان بواسطة : Administrator بتاريخ 07-18-2012 الساعة 11:37 AM
|