لما أتكون بعيد عني
لما تكون بعيد عني
.......... أتذكر
لما تدني وتكون يمي
وأحس بالشوق كله
هرب منك .. وهرب مني
أتذكر مسكة أيدينك
ولما تغمض عينك
وشـــي ما أعرفـه
يهزك بلحظه ويهزني
أتذكر لحظات قصيره
سرقناها بكل حيله
ليتها تهمك مثل ماتهمني
أتذكر طعم الشفايف
لحظة الرشفه
أشلون ترفه
تذوب الشوق كله
ماودي أهدها وتهدني
ويطول شرب العسل
ونحسه لأرواحنا وصل
وأنفاسنا تتسابق سوى
ونروح وين ماراح الهوى
ونضيع أثنينا
وماتدري وينك
ولا أدري ويني
ولما أضمك بالصدر
وأشم منك ذاك العطر
وأغيب فيك وأنتثر
ويشب بصدري الضوا
وأذوب منك وتذوب مني
هذا بقى أبذكرياتي
مثل سكين بحياتي
حتى لو ما تسأل عني
بس تذكر لما تدني مني
ـــــــــــــــــــــــــــــــــــــــــ
30-07-2021 الجبيل الصناعيه
__________________
عبدالحميد دخيل الصيوان
|