كلي لك
كلي لك أنا عطشان
وليتك دريت فيني
لو تدري شكثر ولهان
محتاجك يابعد عيني
صبح وظهر ومسيان
طيفك مكهرب شراييني
حبك عدى حالة الأدمان
أحبك حتى لو ماتبيني
بالحب ماتلقى واحد غلطان
تلقاه واحد من المجانيني
هرمون حبك يسري بالدمان
لاني مخليه ولاهو مخليني
تزيد حبك حرقة الحرمان
ونارك تحرقني وتهنيني
أحبك أنــــــا مهما كان
لو ضاع العمر والسنيني
من بعيد لشوفتك شفقان
قتلني لك شوقي وحنيني
هذا الحب أذا ملك أنسان
ضيع منه كل البراهيني
ماهمني لا بيض ولاسمران
ماغيرك بالدنيا ملى عيني
أحبك ومن حبك أنا تعبان
متى يازين تحس فيني
ــــــــــــــــــــــــــــــــــــــــــــ
05 – 01 – 2019 الخبر
__________________
عبدالحميد دخيل الصيوان
|