يامطول هالصبر
أنته حبك غير
غير عن حب البشر
بسرعه أجتاحني
وبكل أعضاي أنتشر
صرت الماي والهوا
صرت الآه والدوا
وكله بدقايق عشر
سحبتني بنظرة عيون
جريتني وكلك تمون
ماخليتني لحظه أنتظر
غرقتني أبحر الغرام
وصلتني لحد الهيام
ومحد غيرك قدر
كني أحبك من زمان
وهواك وصلني للأدمان
بضل أحبك واستمر
حتى لو أنته بعيد
أنت ياروح عبدالحميد
بتضل حب العمر
لاتفتكر قلبي ينساك
عقب ماأمتلى بهواك
وعندي لك أطيب أثر
ترى الأماني كثير
فيها اللي يصير
واللي مايصير
وكلنا بيدين القدر
وتبقى أنته الحب
بعيد كنت ولا قريب
والله مطولك ياصبر
ــــــــــــــــــــــــــــ
18-10-2016 م الخبر
__________________
عبدالحميد دخيل الصيوان
|