السبت 8 ابريل
قولي أشبقى
خيال ودخان وذكرى
أناديك من بعيد
للحين أناديك
وبعدك ماظهر بكرى
بعثرت أحلامي
وضيعت أيامي
وقلت للعين
أسهري ولا تنامي
وخليت نفسي منكسره
على بالك بقلب الصفحه
وأنساك مثل ماتنسى
قلبي مو مثل قلبك
غيرك مالقى مرسى
والحب لا يباع ولا يشرى
أنا بحبك أبتليت
غرقت
ومت
وماحييت
وبعدني أنادي
والغصه بفادي
بالسراب دورتك ومالقيت
وأنت ماعندك ولا فكره
وبقلبك ماتت الذكرى
وبقت نارك
هي نارك
هي حظي والقدره
بسبتك ماعشت شبابي
خليتني بروحي لعذابي
ومن شافني عرف مابي
باينه بعيوني الحسره
مافرحت ولا يوم
شري دنيتي وهموم
ماقرت عيوني
طول عمري أنا مصدوم
والنفس تشرب وتاكل ماتكره
للحين أحبك
تصور ...........
والله أحبك
يمكن ماتصدق !!!!!
للحين قلبي ماتغير
واللي يحب مايعرف يكره
يمكن نسيت أبريل
والحب العذري الجميل
بذاك السبت
تذكر وأضربها باربعه العشره
فيك
مالقيت لي عوض
حب مزمن
خلاني أحسه كالمرض
ويقولي قلبي
ترى عقبها الحب أنقرض
من متى بداخلك
طول الوقت
ساكنه من زمان العبره
ترى
هذا اللي بقى
بس خيال ودخان وذكرى
ــــــــــــــــــــــــــــــــــــــــــــــــــ
16- أبريل -2017 م الخبر
__________________
عبدالحميد دخيل الصيوان
|