يســــــــألني
يسألني
من عقب سنين وسنين
مو توه
بس يسألني الحين
يحط عينه بعيني ويقول
( تحبنـــــي )
يحب يسمعها مني
وهــــــــو يعرفني زين
أحبـــــــه من كل قلبي
وماتبي هذي يميــــن
وأن قلت له (أحبك )
شفت بعيونه نــــجوم
من فرحته باليقيــــن
وطفل فرحان يتبسم
وينزل راسه ويهيم
وتلمع عيونه بالمحبه
وبحبـــه شايفني رهين
ياليتني بس أحبـــــه
أنــــا في حبه سجين
ماخذ عقلي كلــــــــه
في كل وقت وكل حين
ما أشوف إلا زوله
وهـــــو مغرقني بنعيم
ينبض حبه في حشاي
يسري يسري بالشرايين
وأنا من شـــــوقي عليه
تحرقني كل لحظات الحنين
أشتاق لضحكته معـــــاي
وهمــــــومي قدامه تلين
هــــو فرحة عمري كلها
منفرد مــــاله قـــــــرين
أحس بحبه لما يســــأل
وأحس بكل عمري يزين
فديته راضي ولا يزعل
فديته على طول السنين
ـــــــــــــــــــــــــــــــــــــــــــ
1 سبتمبر 2022م الخبر
__________________
عبدالحميد دخيل الصيوان
|