كسرة القلب
كسرة القلب
مايجبرها وقت ولا مده
غصة روح حراقه
وعمرك كله تهده
فجأه واقعك
بحور ذكرى
وحال
يودي عقلك ويرده
تتنهد
تتحسر
وفراغ قلبك
ماله حدود تحده
خسرك كل شي بلحظه
وأقفى
وخلاص
راح وماله رده
ماعاد للأمل جذوه
راح
عقب ماطفى الشراره بيده
راح ونسى أثاره عندي
وما أدري شبقى عنده
كان يقول لي أحبك
وسكين بظهره منحده
بنينا أحلام حلوه وجميله
ونسفها بكلمة وحده
وتبرى من حلو المشاعر
صدقته وخان عهده
كنت أشوف الدنيا بعيونه
وخلاني مالي دنيا
من بعده
01-01-2021 م الجبيل الصناعيه
__________________
عبدالحميد دخيل الصيوان
|