للحب مايزول الأثـــــــر
للحب مايروح الأثر
دخل بالقلب وأنحفر
حتى لو راح النصيب
وأختفى ذاك الحبيب
ورغم أنه مو قريب
حبه يبقى بالعمر
للحب مايروح الأثر
دخل بالقلب وأنحفر
و مهما الدنيا تدور
بعده باقي بالشعور
في عيونك له حضور
وهو أحلى من حضر
للحب مايروح الأثر
دخل بالقلب وأنحفر
يبقى له سحر خفي
يبقى باقي ماينطفي
ترضي بقليلك مكتفي
حتى لو زاد القهر
للحب مايروح الأثر
دخل بالقلب وأنحفر
من تحبه أبجنون
هو قدام العيون
ماينسي مهما يكون
طول ماطال الدهر
للحب مايروح الأثر
دخل بالقلب وأنحفر
كل يوم لعيونه تحن
وتحس بلذه من تون
للحين تحب ومنفتن
للي على قلبك قدر
للحب مايروح الأثر
دخل بالقلب وأنحفر
ــــــــــــــــــــــــــــــــــــــ
25 – 6 – 2018 م الخبر
__________________
عبدالحميد دخيل الصيوان
|