أناديك بالآه
ودي اكتب لك
وأغرف لك من قلبي
اللي طول وقته ينوح
بكتب لك
كل مشاعر الغرام
اللي عايشها
وقت ما أصحي
ووقت ما أنام
وليته يكفي الكلام
اللي بالعين مشروح
كل أه بقلبي
لك تنادي وتلبي
وينك ياكل حبي
أشلون قويت أتروح
كل آه
تبيك بس انته
ياساكت
ذبحتني منك السكته
المر بغيبتك ذقته
حبك بقلبي مايروح
حبك خالط أنفاسي
وأنت بدنياي الأساسي
ماهقيتك علي جاسي
يهون أتخليني مجروح
الحب ترى مو لعبه
أتروح من غير سبه
واللي يحبك أتعذبه
وأنته روح الروح
تعرف أني مغليك
وكنت بعيوني أداريك
كل شي حبيته فيك
ماهقيت منك أنوح
ـــــــــــــــــــــــــــــــــــ
22 – 08 -2016 م الخبر
__________________
عبدالحميد دخيل الصيوان
|