عصفور وفراشه
أنــــــا بغــــــــابه
وأنتي بغــــــــابه
وألتقينا عصفور وفراشه
وحلقنا بسمانا سوى
أثنين للحب الحقيقي
..........عطاشــــــا
فوق في السما العالي
نجوم وأقمار الليالي
ونشوف كل شي يلالي
وخذينا من اللولو قماشه
مانقدر نرسم أمــانـي
وكل واحد فينا يعاني
وقانون الغابه أنـــاني
ممنوع حتى نقاشـــــه
دربي غيـر دربـــك
وما ألقى مثل حبـك
لأن قلبي مثل قلبك
والحب مستحيل عنه
........نتحاشا
غرقنا سوى
ببحور الهوى
ولقينا الدوى
بس للأسف ....
بسواد غاباتنا مايتماشى
حلمنا .... حلمنا
وتصورنا نهرب بعواطفنا
نمشي وشبح غابتنا خاطفنا
يبي يردنا الى حراشه
من بعد ...
مالقينا النقاء
وكل الصفاء
وكل الوفاء
ردينا من جديد
واحد عن واحد بعيد
ورجعنا وقلوبنا عطاشا
ـــــــــــــــــــــــــــــــــــــــ
19 يوليو 2022 م الكويت
__________________
عبدالحميد دخيل الصيوان
|