سكين ذكراك
شوقي لك ينفجر
بوسط الصدر
وينثر بالدنيا عجاجه
والخاطر بلحظه ينكسر
ويعلن القلب أحتياجه
أبيك أنا هالكثر
وأنته دوا القلب وعلاجه
متى بشوفك ياقمر
قولي ياحلو متى نتواجه
سكين ذكراك من تمر
أثنينا مع الآه نتناجه
حبك بالقلب منحفر
وبالعمر صار أندماجه
ساكني حبك كالسحر
ويلعب بي على مزاجه
ظلمة دنياي ماتستمر
أذا طيفك ولع أسراجه
بوهمه ميعشني للقبر
ناطره اللي راح وماجه
حاجتي وحده بهالعمر
مابغيت غيرها حاجه
ماهمني البيض والسمر
القلب هو للي محتاجه
ـــــــــــــــــــــــــــــــــــــــــــ
25-06-2016 م الكويت
__________________
عبدالحميد دخيل الصيوان
|