السد الكبير

[Administrator]

والله
لو تدري أشكثر أحبك
وأشكثر أنا أبيك
كان تلوم نفسك وقلبك
كان ماتخليني
حتى لو أنا اخليك
كان تعبت العمر كله
ويصير كل همك ألاقيك
ليلي قهر ونهاري مثله
وبكل الأغاني أنا أغنيك
حبيتك حب أرضى غرورك
وكنت كلي بين أياديك
وزاد غرورك في شعورك
لما شفتني مبتلي فيك
قالو .. بالحب لا تجي كلك
ترى يغتر ويستهين فيك
ويشوف حاله ويحس بجماله
وبأي وقت هو يخليك
وأنا المتيم بقلبي متألم
بعت اللي بروحه شاريك
تعبني كتمان بوحي
وأقول لشوقي وين أوديك
وبعدك .. مثل سد الماي
حبسني ... خنقني ... منعني
أذيتني من غير ماأذيك
رويتك كل مشاعر الحب
عطش قتلت اللي مرويك
سدك أمتلى بجروحي
هذا اللي بقى منك
وهذا اللي بقى فيك
من كثر الألم
أنبح القلم
وكل أوراقي تحتفي فيك
مع دقة قلبي
وشوقي المتخبي
تلح نفسي وتناديك
وكلما حاولت أنساك
أتذكر .....
أني تحت جلدي مخبيك
ما الومك ....!!!
لأنك صج ماتدري
لأي مدى أحبك
وللحين ياقلبي محتريك
ــــــــــــــــــــــــــــــــــــــــــــــــــ
الخفجي – أبو حدريه – الخبر
17 – 07 – 2017م