|
#1
08-22-2012, 08:39 AM
|
||||
|
||||
بيوم الاحد
بيوم الأحــــد
بيوم الاحد ثاني العيد بسوق الديره وأحنا مجبليني مر من يمي ولا طالع ولا جت عينه أبعيني وهو مقبل فز قلبي هذا حبيبي اللي مايبيني أتمعن بالملامح وهو يمشي والنار احسها متمكنه فيني ياقلبي هذا هو ولا لا تكفين ياظنون لا تضيعيني أسمع الخطوات يمشيها ابثبات وبشوفته ضاعت كل براهيني عشر خطوات مابيني وبينه جدامه واقف مدري ويني يازين عليه لبس العبات ويشع بياضه مخطور يعميني صافي البشره أمورد الشفاة اشلون ضاع من ايديني جنه شافني من بعيد قبل لاتشوفه انا عيني مر أبمسافه كانت ثواني وللأسف آه مادرى فيني قلت الحقه وأمشي وراه قلت يمكن يحن ويحاكيني و انا كل مافيني يرجف ورجلي عيت معاي تمشيني وشفته مقفي يا عساه يلتفت اشلون الزين مايهزه الحنيني راح مثل ماراح عني ضيع كل عمري وأسنيني ورديت لحالي وانا خالي ليتني مالقيته ولا شافته عيني مادرى من معاي أشصار فيه ولا حس بكل ثورة براكيني ليت هالصدفه ماصارت أشجابه بطريقي وهو مايبيني ليتني ماشفته ولا دخلت السوق صدته عني قتلت مافيني جذيه الخوي على خويه جذيه لهالحد أهو مخليني شيضره لو سلم عليه ولا خايف يحط عينه بعيني قلبي بعده عاف العذارى وعيوني صدت عن كل المزاييني كان حبه مالي قلبي وغيره بالدنيا محد يرضيني عشت محروم طول عمري وكانت شوفته هي اللي تكفيني أفرح بالمنام لو جاني طيفه ليته عقب اليوم مايجيني لو حزنت وضاقت بي الدنيا يطرا علي ويهدي مافيني كنت أتامل تجمعنا الليالي كنت أحلم بيوم يبيني أمتعلق بخيط الوهم وحدي يازين الوهم كان يسليني أقطعه اليوم بصدت عيونه وانا الحين وين تلاقيني لا فرحت أبدنياي ولا عشت من فراقه عايش حزيني أنكتب بالعمر أعيش حبه أعيشه لو هو مأذيني لما شفته كبر همي شلون يمر يمي ولا يحاكيني كل هالزين ضاع مني وأدري باطباعه طيب المربيني ضاعت حياتي اليوم كلها وكل الغرام اللي بشراييني مابقى واقع أرد له ولا بقى حتى باكر يمنيني صرت جثه تمشي حيه ولا عندي أحد يدليني أحترقت كل صور الذكرى وماعندي احد يطفيني ليتني اليوم ماجيت السوق وبقيت على عماي مسكيني جذيه الحقيقه امرها قاتل والله الوهم كان مكفيني أنا كنت ارفض انساه ياليت أحد يقدر ينسيني كنت من طرف واحد اهواه راضي حتى لو تخليني حسيت بكل فراق السنين اليوم بس توها تخليني تستاهل الخير أخر كلمه قالتها بأخر يوم تحاكيني ماشفت الخير طول عمري وعلي الدنيا والخير مقفيني هذا انا لا ماتغيرت هذا انا مثل ماتعرفيني غيرك انتي محد يهزني ولا أجمل جميل يعنيني اذا أشتقت أنتي شوقي وأهمس للورق حبي وحنيني مليت أوراقي بنار حبك وأثري الكلام كله مايكفيني كتبت لعيونك بدموعي قصايد كل ما اقراها حبك يبكيني القمر لو شفته وشافني وهو بالسما يسال اشفيني أقول ليته يشوفك بهاللحظه ولو بالايحاء هو يحس فيني أسمه هو عطر الاسامي وبالزين ماله أي قريني دمه خفيف وله بسمه ماشفتها عند المزاييني
__________________
عبدالحميد دخيل الصيوان 
|
 |
«
الموضوع السابق
|
الموضوع التالي
»
العرض العادي
|
|
الساعة الان: 09:19 PM.
